اسئله دينيه واجوبتها شرح آيات في الكتاب المقدس
اسئله دينيه واجوبتها شرح آيات في الكتاب المقدس
سؤال: الحوار الذي دار بين السيد المسيح والشاب الغني
الشاب قال للسيد المسيح أيها المعلم الصالح ماذا افعل لأرث الحياه الأبديه
السيد المسيح قاله : لماذا تدعوني صالحاً ليس أحد صالحاً إلا واحد وهو الله (مت 19: 17)
أليس هذا تأكيد بأنه أنسان وليس إله؟
الناس بتاخد الآيه دي كدليل علي ان المسيح مش هو الله وبيقولوا ان المسيح برفضه ان يدعي صالحاً وباعترافه ان الصلاح لله وحده فهو ليس الله , لانه هنا يفصل فصلاً تاماً بين شخصه وبين الله وهذا دليل نفي لألوهيته .
الجواب:
السيد المسيح لم يقل للشاب لم تدعوني صالحاً وإنما قال لماذا تدعوني صالحاً وهناك فرق بين (لا) و(لماذا) فقصد أمرين :1- الأمر الأول :
قصد أن يقول للشاب بأي مقياس انت تدعوني صالحاً .
هل بمقياس الصلاح البشري كما تدعون بعضكم بعض وتلقبون معلميكم أم بمقياس الصلاح الألهي لأنك رأيت اعمالي ومعجزاتي التي لايستطيع البشر فعلها .مكنش عايز الشاب يدعوه بالصلاح البشري اللي بيقلوه للمعلمين ,
لأن المسيح قال عن نفسه " أنا هو الراعي الصالح "
2- الأمر الثاني
أراد ان يكشف عن حقيقه عجز الانسان عن عمل الصلاح .لأن الشاب كان يعتقد ان المسيح مجرد معلم صالح كإحدي المعلمون , فهو كان عايز يقول حتي المعلمون مفيش حد صالح منهم زي الله .
لأن السيد المسيح لما بيقولنا " كونوا كاملين كما أن اباكم الذي في السموات هو كامل" لا يقصد الكمال المطلق لأنه مقصور علي الله فقط , فالله فقط هو الكامل بطبيعته , الأنسان هو خاطئ مهما كان بار ,
"الجميع زاغوا وفسدوا ليس من يعمل صلاحاً ليس ولا واحد لكنه يقصد اننا نسير في طريق الكمال.
سؤال:
ما معني مرور جمل من ثقب أبره أيسر من دخول غني إلي ملكوت السموات؟
الجواب:
ثقب إبره ده عباره عن باب كبير كان في اورشليم معمول فيه باب صغير , الباب الصغير الناس كانت بتدخل منه وكان اسمه ثقب أبره ومعرف ان اليهود كانوا بيقفلوا أبواب اورشليم قبل الغروب فلما كانت بتيجي قافله معاها جمال الناس كانت بتدخل من الباب الصغير بس الجمل علشان يدخل كان لازم يقعدوه علي رجليه ويخلوه يركع ويجروه ويدخلوه ,والغني كده لازم يتواضع الأول ويشعر ان الاموال بلا قيمه وبكده قدر يدخل الملكوت.
سؤال :
هل المسيح له اخوات " هوذا امك واخوتك خارجاً يطلبونك , أليس هذا ابن النجار أليس امه تدعي مريم وأخوته يعقوب ويوسي وسمعان ويهوذا "
الجواب:
معني الأخ عند الشعب اليهودي في الللغه الآراميه والعبريه هو نفسه ابن او بنت العم أو الخال .لوط كان ابن أخي ابراهيم ومع ذلك يقول الكتاب عن سبي لوط مع أهل سدوم " فلما سمع ابرام ( إبراهيم) أن أخاه سبي(تك 13: 13)
ويقول عن يعقوب ( وأخبر يعقوب راحيل أنه أخو أبيها وهو ابن أخته وهو خاله.
مريم العذراء كان ليها أخت اسمها مريم وزمان عادي اسماء الاخوات متشابهه كانت متزوجه كلوبا ( اسم يوناني) اسمه حلفي (آرامي) ، ابنائها يعقوب ويوسي ، يعقوب كان بيقولوا عليه يعقوب الكبير علشان يميزوه عن يعقوب بن زبدي الكبير .
لو كانت العذراء هي ام يعقوب ويوسي ، كان مفروض القديس متي وهو بيذكر النساء اللي عند الصليب يقول " كانت هناك نساء كثيرات ينظرن من بعيد وهن كن قد تبعن يسوع من الجليل وبينهم مريم المجدليه ومريم ام يعقوب ويوسي وأم ابن زبدي "
كان يقول مريم ام يسوع ويعقوب ويوسي.
ومش معقول المسيح يكون له اخوات ويقول ليوحنا عند الصليب هوذا امك.
سؤال:
ما معني " لا تظنوا أني جئت لألقي سلاما علي الأرض ما جئت لألقي سلاما بل سيف ؟
الجواب:
السيد المسيح لما جه علي الأرض المسيحيه بدأت يعني عرفنا ديانه جديده وبكده من يكون في عائله فيها الأب مؤمن والأم مش مؤمن الأخ مؤمن ، الأخت مش مؤمنه فبكده هيكون في مشاكل وخناقات في العائله فده يعتبر سيف وانقسامات.سؤال:
مامعني من لطمك علي خدك الأيمن فحول له آخر أيضا
الجواب:
الانسان لما يجي يلطم حد علي خده هيبقي الخد الشمال مش اليمين لو ضربه علي خده اليمين كده هيضربه بضهر أيده ، وده فعلا لما كان العبد يغلط زمان كان سيده يضربه علي خده اليمين علشان مش عايز يلمسه لانه هو عبد ، وكأن المسيح بيقول للعبد حافظوا علي كرامتكم لأن لما بيحولوا الخد التاني لسيده كده هيضربه بأيده مش ظهرها فبكده هيبقي مساوي له مش عبد وبكده هيوصل رساله الخلاص اللي المسيح جه علشانها ان كلنا ابناء مفيش حد عبيد.سؤال
ما معني كل خطيه وتجديف يغفر للناس واما التجديف علي الروح القدس فلن يغفر للناس؟
الجواب:
التجديف علي الروح القدس هو الرفض الكامل لكل عمل للروح القدس في القلب يستمر مدي الحياه ، وطبعا نتيجه لهذا الرفض لا يتوب الانسان فلا يغفر الله له .الله قال من يقبل الي لا اخرجه خارجا ، وقال كمان لا توجد خطيه بلا مغفره إلا التي بلا توبه ، عدم التوبه هي الخطيه الوحيده التي بلا مغفره
طيب ايه علاقه عدم التوبه بالتجديف علي الروح القدس .
علاقه واضحه الانسان لا يتوب إلا بعمل الروح القدس فيه فالروح هو الذي يبكت الانسان علي الخطيه وهو الذي يقوده الي العمل الصالح ولا يستطيع احد ان يعمل عمل صالح إلا بالروح القدس .
للمزيد :
نرجو مراجعه (كتاب لاهوت المسيح)
تعليقات
إرسال تعليق